มานภาชนสฺส หทยภูตสฺส อพฺภนฺตรสฺส ภินฺนํ หทยเภโทฯ นิมิยมานสฺส ติลตณฺฑุลาทิกสฺส สิขาย อคฺคโกฏิยา ภินฺนํ สิขาเภโทฯ เขตฺตาทีนํ มินนรชฺชุยา อญฺญถากรณํ รชฺชุเภโทฯ รชฺชุคหเณเนว เจตฺถ ทณฺฑกสฺส คหณํ กตเมวาติ ทฏฺฐพฺพํฯ
6-11. เฉทนสุตฺตาทิวณฺณนา
[1166-71] วโธติ มุฏฺฐิปฺปหารกสาตาฬนาทีหิ หิํสนํ, วิเหฐนนฺติ อตฺโถฯ วิเหฐนตฺโถปิ หิ วธ-สทฺโท ทิสฺสติ ‘‘อตฺถานํ วธิตฺวา วธิตฺวา โรเทยฺยา’’ติอาทีสุฯ อฏฺฐกถายํ ปน ‘‘มารณ’’นฺติ วุตฺตํ, ตํ ปน โปถนํ สนฺธายาติ สกฺกา วิญฺญาตุํ มารณสทฺทสฺส วิหิํสเนปิ ทิสฺสนโตฯ เสสํ สุวิญฺเญยฺยเมวฯ
อามกธญฺญเปยฺยาลวคฺควณฺณนา นิฏฺฐิตาฯ
สารตฺถปฺปกาสินิยา สํยุตฺตนิกาย-อฏฺฐกถาย
มหาวคฺควณฺณนาย ลีนตฺถปฺปกาสนา นิฏฺฐิตาฯ